CHANCHINBU ENKAWLTUTE

Editor in Chief Editor Jt. Editor Cir. Mag. OB i/c : Lalnunsanga Fanai (9862120903) : Chanchinmawia (9615820416) : C. Zonunpuia (9862022375) : Lalramzauva Chawngthu (8575462587) : H. Laltharrenga

Vengthlang Branch YMA Chanchinbu Phek 2

Kum : XXIII

Vawi : 8 Tahrik Ni : 2 Vau thla (March) 2014 Phek 4

SUM HNUTCHHIAH TUR NEILO MAHLA

Phek 3

INDIAN PREMIER LEAGUE

LAWRKHAWM
Ngaihdam dilna
Kar hmasa chhuak ah Lalhmingthangi (Sentei) boral chungchangah a thupui kan rawn hmang sual a. Sentei te chhung leh chhiartute chungah ngaihdam kan dil e.

Section New Vanapa Section

Kum 2014 chhunga Vengthlang Branch MHIP hruaitute : Pre : Pi Lallawmzuali Vice : Pi R. Tlangmawii Secy : Pi Helen Lalhriatsangi Asst. : Pi Laltlansangi Trea : Pi Lalhlupuii Fin. Secy : Pi Lalduhawmi Vengthlang Branch MHIP Member awmna intinah Chhiatni/Thatni Fund Rs. 100 khawn tur a ni a, member tinte lo in ring turin MHIP hruaituten Chanchinbu kal tlangin min chah a ni.

KUT TURIN YMA BRANCH HRANG HRANG INBUATSAIH

Ni 2 Vau Thla 2014: Ni 26.2.2014 (Nilaini) chawhnu dar

March thla ral hmain aw...

March thla ral hma ngeiin Section hrang hrang ten Chhiatni/ Thatni Fund kan khawn te chingfel a thehluh thuai i tum hram hram ang u.

Vawngfai rawh
Mahni inchhung leh compound vawnfai hi changkanna awlsam tak a ni. Mahni In zawn tuilah kawrh leh kawngpuite vawngfai turin kan in chah a. Chu bakah mahni ran vulh te i khuahkhirh hram hram ang u. Tunlai hian khawlaiah Ui vak an tam leh tawh tlat.

Exam zawhah aw
Vengthlang Branch YMA SubCommittee hmalakna in School naupang exam zawhah naupangte tan Infiamna chi hrang hrang buatsaih tum ani a. Hemi atan hian Section hrang hrangte i lo inring lawk ang u.

2 khan Sub Hqrs YMA Office Tlangrawt ah tunthla ni 7 a Chapchar kut hman dan tur chungchang ngaihtuahin meeting pawimawhtak neih a ni. He meeting Pu VL Chama Hnamte kaihhruaiah hian kumin Chapchar Kut chu Zokhawpui kan nih anga Mizo hnam nun phawkchhuak thei ang tur bera hman nise an ti a, Thuthmun Branch nilo, lam hla deuh Branch 6 atangin lam entir tura sawm nise an ti a, hei bakah hian Sub-Hqrs YMA Thuthmun Branch 24 atangin, Cheraw Kantluang, buhza aih lam, Sarlamkai, Chawnglaizawn, Chai leh naupang Pawnto chi hrang hrang entir tura beisei nise an ti a, hei bakah hian pipu hun laia pui thuna thenkhat, sakei aih, khawinghal aih leh thildang tam tak entir nise an ti bawk a ni. Meeting chuan, Zokhawpui kan nih ang ngeia Chapcharkut hlu tak kan hman theih an beisei a, hemi atan hian branch hrang hrangte pawh uluk lehzuala lo inbuatsaih turin an ngen nghal bawk a ni. Vengthlang Branch chuan Chapchar Kut a mi tur lan chi hrang hrang zir thin a ni a, zan tin zir tur a ruahman niin. Inkhawm loh zanah dar 5:30 leh Inkhawm zanah dar 7:30 ah PS II kawtah zir thin a ni a. Member a tam thei ang ber in zir tum in Section OB te phei chu kim taka kal thin turin kan hruaituten min ngen a. Tin, lam zirnana School II kawt phal taka min hman tir tu Headmistress leh Staff te chungah Vengthlang Branch YMA chuan lawmthu a sawi tak meuh meuh a ni.

Siam rem
Khuangchera Section Asst. Secretary Tv. Zoliansanga chu hmun dangah zirna a chhunzawm dawn avangin a nihna a rawn pha a, Branch Executive in a phatna hi pawmpuiin Khuangchera Section OB leh Branch OB kutah a aiawh ruat chu dah in, a aiawh tur hian Tv. C. Zothanmawia chu ruat nghal a ni.

Tlawhchhuah tum
Taitesena Section te chuan Section huamchhunga chhungkaw tinte Chhiatni/ Thatni Fund khawn pahin tlawh chhuah vek an tum a, hemi pah hian infuihtharna hun hmang pahin faina chungchang a tanlak a tulzia pawh an sawi nghal thin dawn a ni.

Pem Lehkha
Vengthlang huamchhunga rawn pem lut reng rengin PEM LEHKHA neih ngei ngei tur a ni. Pem Lehkha neilo tan Vengthlang huamchhungah awm a remchang lo a. Tin, Inluah tur nei te pawhin India khua leh tui dik tak leh Pem lehkha neite chauh luah tir turin kan in ngen nghal e.

Khuangchera Section News

@ Ni 24.2.2014 (Thawhtanni) zing khan Rahse Veng tuikhur thlang kawng thianfaia hnatlang neih a ni. Member 28 an thawk chhuak thei a. Member thawkchhuakte chungah lawmthu an sawi e. @ Section sumtuak nan Lucky Ticket an siam chu zawhfel a ni tawh a, vengchhung mite tlawmngaia lo leisak turin min nge. Tin, Lucky Ticket siam nana an Press phal taka min hman tirtu Pu Lalhmingmawia Pachuau te chhungkaw chungah YMA Palai kaltlang hian lawmthu an sawi nghal bawk e.

Comt. dawn
Ni 4.3.2014 (Thawhlehni) zan khian Branch Executive Committee nei tura ruahman ani. Branch Executive memberte kan in hriattir a ni e.

Khua a lo thal leh ta a, chhungkaw tinte kangmei lakah i fimkhur tlang ang u.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : H. Laltharrenga 9856782358 Asst.Secretary : C. Lalthanpuia 9862657366 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : CB Lalbiakdika, Saidingliana, Vanlalchhuanga, Lawmsangzela, C. Vanlalhriata, Lalruatpuia, Lalrindika, Lalhratpuia, ZD Zorinpuii, ZD Lallawmzuala Neuva Section : K. Zoramchhani, Vanlalruatzela, Lalbuatsaiha, Lalhminghlua, Sumeon Lalherliana, Lalmuanpuia, C. Lalnunpuia Khuangchera Section : Rotluangpuia, Henry Mawia, Lalhmingsanga, Lalruatsanga, Vanlalpeka, Lalhrilmawia,

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

Sum Hnutchhiah Tur Neilo Mahla

-Bawihpuia Pa Kum tin a khel lova kan tawn ngei ngei khua thal hunlai chu kan lo thleng leh ta. Chanchintharah pawh bungrua engmah chuh hman lova In kang ral chhiar tur a awm leh ta. In a kan reng reng lah hian Current kalsual vang kan ti ziah leh nghal a. Fur lai hian Current hi a kalsual ve thei lo nge maw ni, khua a thal lai chiah hian kan sawi ziah hi engngemaw a awmzia ni dawn ni. Khua han hawi vela kan vela thing rawn ding thut te pawh kum tin a an lo tawrh thin kang mei in a ti sen leh huam pawh hmuh tur a awm leh ta. Kum dangah kha chuan YMA Branch hrang hrangten chan insemin ram kang vengin kan hmanhlel thin a nih kha. Mahse tun kum chu ka hriatsual loh chuan pawisa awm loh avangin tih a nih dawn lo. YMA te hian pawisa duh vang chauh hian ram kang hi kan lo veng thin nge maw ni dawn ni? Kan sawrkar lam hotute hian tlawmngai pawl Tanpui ngaite tanpui tura mi inpe te hi kan pur ngam dawn lom ni. Ruihhlo Do pawhin a thim a var pawh thlu lo a khawtlang a thianghlim nana Duty thinte chuan tun mai pawh ni lo nakin thlenga kan tu leh fate tan chuan theihtawp chhuah hi an huam turah ngaiin. YMA lam hruaitute hi a biak rawn chi viau in a rinawm. Kan sawrkar hotu lam te pawh hian HIV/AIDS an vei ang hian kan ram thing leh mau te humhalh a pawimawh zia leh ram kang in pawi a thlen theih zia leh a hlauhawm zia inzirtirna te hi mipuiah buatsaih thin ta se, HIV/AIDS Awareness Campaign sum tam tak senga buaipui vak vak ai hi chuan kan hlawkpui zawk lawng maw le. Hemi ka sawi avang hian HIV/AIDS veite hi ka hmusitin ka diriam a ni lo a, kan thing leh maute kan tihrem chuan kan tuihna neih ang chhun chhunte hi a kang chuan HIV/AIDS vei chauh pawhin an mamawh nilo mi zawng zawngin kan mamawh thil a nih vang zawk a ngaipawimawh ka ni a. Ram kan thinna hi kum tin a ngai ziah ti ila kan sawi sual awm love, a kang duh lai han kawk teh ti ila tu a te pawh hian kan kawk sual lo tlangpui awm e. Chuti a nih chuan Forest lama thawktu a bikin Forest Guard te hian chan hi a in sem theih loh a mi aw. Nge ni ang a ram kang tur chu Side Income a awm duh lo zawk. Thingzai, Melhawl, Rawtuai, Mautuai adt. man tura hma kan lak chak ang hian ram kang tur ven kawngah hian hma la chak ta ni ilang chuan ka ram kang tur hi a vaia kan veng seng lo a nih pawhin kan ziapui ngeiin a rinawm. YMA kan ven tira ram a rawn kang a, a kan nasat tawh hnuah Information-ah puangin Kan ram ven a kang a, thelh turin chumi khamiah chuan i in nghak khawm ang u an rawn tia. Kan in nghahkhawm chhung leh a hmun kan pan chhung hian engzat tak lo kang hman ang i maw. Thingte pawh kan han phun ve thin tak nangin a nun leh nun lawh hi chu kan ngaihtuah tawh lo a ang khawp mai. Kei ngei pawh hian ka phun ve nual ta, mahse a nun leh nun loh ka hre miah lo. Hei ai hi chuan YMA emaw Kohhran Thalaite hnenah hian Sawrkar ram an enkawl tur hi pe in chutah chuan thing a lo puitlin thleng an enkawlna tur sum te pawh pe ta ila, thingphun tur sem chhuah teuh piah lamah hian kan sawtpui a rinawm zawk. He kan ram zimte thing leh mau humhalh tur hian theihtawpa hma kan lak loh chuan engtik niah emaw chuan kan Zotuithiang luang dem dem tur kan nei tawh dawn lo tih hi hre rengin, a hunlaia theihtawp chhuaha kan ven hi a pawimawh. I tu leh fate tan sum leh pai hnutchhiah tur neilo mahla sum leh pai aia hlu boruak tha leh siktui thianghlim i hnutchhiah dawn tih hrereng chungin kan thing leh maute hi in humhalh teng u. Hunawl hman that

Chapchar Kut kan el leh ta a, kumin phei chu nikum hmasa lam emaw ni-a Chhaktiang Kutpui kan lo hman tawh nen hman kawp tur a nih avangin Kut ropui tak hmang turin inbuatsaih ila a tha awm e. Nikum lam khan District hrang hranga kut-na tur inkhuangrual lo lutuk chungchangah sawi neuh neuh a awm tawh a, kuminah erawh a thawm a reh tak danah hian nikum kan harsatna kha chu a awm tawh dawn lem lo niin a lang. A pawimawh ber chu Chapchar Kut kan ngaihhlut dan zawk hi a ni. Kan ngaihhlut phawt chuan sum beitham tak pawhin kan hlawhtlinpui thei tho vang, sum hmangin a hlutna hi teh theih a ni lo. He kut hi hmanlai Mizo hman ziarang kan pho chhuahna pui ber leh a awmchhun a nih deuh tawh thawthang avangin kan ngaihhlut deuh deuh pawh a tul hle a ni. Reader's Digest i chhiar thin chuan a phek hma lamah tun thlaa kut chhim theih te tiin khawvel hmun hrang hranga kut awmte an tarlang thin a, kut hi khualzin hiptu pawimawh tak a ni a, kan ngaihhlut thiam chuan engtik ni-ah emaw Reader's Digest-ah hi chuan kan la chuang ve mai ang! Hmanlai Mizo hnam ziarang i hmuh duh chuan Mizoramah chuan Chapchar Kut hunlaiin kal rawh tia khualzinten an sawi hun hun-ah he kut hi tourist 'magnet' tha tak a ni nghal mai. A innghahna erawh chu he kut neituten kan ngaihhlut leh ngaihhlut lohah a ni e.

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, Ramluahpuia, R. Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

YMA ADVISER
Pu RC Zahlira ; Pu C. Vanlalnema ; Pu F. Lalfamkima ; Pu PC Zohlira INDIAN PREMIER LEAGUE.

Leader Asst Leader Secretary Asst Secy Treasurer

:Pu R. Lalnunpuia :Tv. C. Lalremruata :Pu PC Lalngaihtuahkima :Pu V. Laldinthara :Tv Christopher Chawngthanmawia Fin.Secretary:Tv. Lalramzauva Chawngthu

VANAPA SECTION

YMA Thuvawn : YMA chu tanpui ngaite tanpuitu a ni

I hria em ?
Sawmtei Pa Oscar a hnai leh ta bawk a, eng
eng emaw i han hriat belh leh teh ang. @ Academy Awards, Oscar tia hriat bawk hi kum 1929 May ni 16 atang khan sem tan a ni a, an sem chhuahna hmasa ber chu Blossom Room of the Hollywood Roosvelt a ni. @ An sem hmasak ber hian luh man chu $5 a ni. @ Oscar chawimawina lim hi inches 13 leh a chanve-a sang a ni a, teh kualin inches 5 leh a chanve a ni bawk. @ A rih zawng chu pound 8 leh a chanve a ni. @ He chawimawina hi pasaltha, chem keng lai lem, film reel chunga ding a ni a. Reel hi 5 awmin hei hian Academy-a peng 5: writers, technicians, producers, actors leh directors te a entir a ni. @ Academy Awards hi March ni 19 1953 atang khan TV a pek chhuah tan a ni a, 1966 atang khan color a tihchhuah tan a ni bawk. @ Animation-a chawimawina sang, Best Animated Feature Film category hi kum 2001 atang khan siam tan a ni. @ An sem chhuahna ber Dolby Theatr e hian tum 13 chu he chawimawina function hi a lo thleng tawh a, red carpet pawh feet 500 a thui a nei nghe nghe. @ Oscar hi mi maktaduai 700 velin an en tlangpui. @ Kumin hian Oscar pual hian $55,000 man hu ve bag chu a thlawna sem a ni dawn. @ Oscar-ah hian a tlangpuiin an sem dawn hnaiah film tihchhuah hian an dawng thei riau a. December thlaa film hit tihchhuah hi chuan an dawng ngei ngei tura ngaih a ni tawp thin. @ Oscar dawng hnem zualte: Titanic, The Matrix, Lord of The Rings. Heng film te hian tum khata Oscar awm thei zawng zawng chanve deuhthaw an hui thei vek hlawm a ni.

Tun tum chu Cricket lam hawi teh ang. A tui ve lemlo tan pawh hriatzau nan a tha ve hrim hrim a. Tunlai Cricket khawvel a thawmring ber leh ngaihven hlawh ber The Indian Premier League hi a nihna tlangpui hriat han tum chhin teh ang. Cricket lampang ngaihven ngailo tan chuan hriatthiam loh a tam ngawt ta ve ang le... IPL hi Twenty20 Cricket tournament a ni a, 2008 kuma khelh tan kha a ni. Board of Control for Cricket in India(BCCI) te bultum a ni a. Buatsaih tan anih lai hian Indian Cricket League pawh buaipui ve mek a ni a, mahse IPL hi tan hmasak zawk anih avangin Indian Cricket League chu a thamral zui ta a ni. India mipui zingah chuan nghahhleltu leh ngaihventu a ngah nangiang bawk a, a tir atang rengin a thli a tleh a ni ringawt mai. Khawvel Cricket tournament-ah chuan sumtamna ber a ni nghal reng a ni. 2013 ah phei kha chuan kumkhat chhung atana he tournament hlut zawng hi US $ billion 3.03 anga chhutchhuah a ni vah mai. Kumkhat chhung tournament anga ngaih chu ni mahse April leh May thla a khelh zawh vek a ni. Team Pariat te inelna tournament a ni a, team tinte vawihnih theuh(home & away) a inkhel kualin a point hmusang pali ten semifinal an khel leh thin. Player te pawh anmahni duhna ngei lo chuan inlei leh inhralh thiang a ni ve lo. Player-te manto zawka an inlei chhuak dawn anih chuan man sanna chin kha a club leh a player in an insem thin tur a ni. Team tinin Squad member 16 aia tlemlo an nei ngei ngei tur a ni a, coach pakhat leh Physiotherapist pakhat an nei ngei ngei bawk tur a ni.Ram pawnlam mi player 11 aia tam an nei tur a ni lo a, inkhelh laiin hetiang mi hi pali bak luh phalloh a ni bawk. Indian player 14 tal annei tling ngei ngei tur a ni bawk a, India khua leh tui, kum 22 hnuailam player paruk tal an nei ngei ngei tur a ni. Kumin 2014 ah hian kumdang ang bawkin club/team pariat te an inel leh dawn a, chungte chu Chennai Super Kings (CSK), Delhi Daredevils(DD), Kings XI Punjab(KXIP), Kolkata Knight Riders(KKR), Mumbai Indians(MI) Rajasthan Royals (RR) Royal Challengers Bangalore(RCB) leh Sunrisers Hyderabad(SRH) te an ni. Kumin ah hian Prize Money hi vaibelchhe 30 semchhuah tum a ni a, championin 13, pahnihna in 8, pathumna in 5, palina in 4, an dawng ang. A dangte tan chuan eng lawmman mah a awmlo ang. Tin, Heng lawmman an dawn turte hi a club in 50% a chang anga, player ten 50% an chang ngei bawk tur a ni. 2013 ah khan Mumbai Indians te hi an champion a, IPL neih tawh zawng zawngah Chennai Super Kings te hi an hlawhtling ber thung. Vawihnih an champion tawh a ni. Suresh Raina, Chennai Super Kings ami chu run siam hnem ber niin 2802 a siam tawh a, Lasith Malinga, Mumbai Indians ami chu Wicket la hnem ber ni mek bawkin 126 a la tawh a ni. IPL a champion hmasa ber chu Rajasthan Royals an ni a, Chennai Super Kings nen final khelin last ball ah an chak hram a ni. Brandan McCullum chu century siam thei hmasa ber a ni bawk. IPL 2 an tih mai, 2009-ah khan Deccan Chargers chuan final ah Royal Challengers Bangalore an hneh a, hemite pahnih hi 2008 kum a a mawngphah pahnih an ni mauh mai!! Sawi tur neuh neuh, an sum hman hraw lutuk leh player te hlawh leh an inleina sang turu lutuk te pawh remchang a la awm chuan kan sawizawm leh dawn nia. Zofate hmasawnna ngaihtuah

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA

NEUVA SECTION
Leader:Pu K. Lalfakzuala Asst Leader:Pu Lalfamkima Varte Secretary:Tv C Zorammuana Asst Secretary:Pu Biakremtluanga Treasurer:Pu Lalthlamuana Fin.Secretary:Nl. Lalparmawii Colney

TAITESENA SECTION
Leader:Pu T. Daniela Asst Leader:Pu H. Lalrammuana Secretary:Tv Lalhmachhuana Fanai Asst Secretary:Tv Vanlalrinawma Treasurer:Nl H Ramengmawii Fin.Secretary:Tv. Zaikunga Ralte

KHUANGCHERA SECTION
Leader:Pu C Vanlalpeka Asst Leader:Tv Lalawmpuia Sailo Secretary:Pu LH Lawmkunga Asst Secretary:Tv. Zoliansanga Treasurer:Pu Lalthangmawia Fin.Secretary:Pu Zohmingthanga AK-47

YMA Kumpuan : Ram Leh Hnam Humhalh Branch Kumpuan : Fai Kum

Lawrkhawm
Nalh duh tan : I vun i ti ngo duh anih chuan sertui, fanghma tui leh carrot tui fiante khat theuh chawhpawlh la, i hmaiah hnawih thin rawh. Minute 15 chiah hnuah phihfai tur a ni. I sam a nung lo riau anih chuan zanah olive oil/coconut oil chhuang lum la, i sam ah thih rawh. I sukfai hnuah conditioner hmang leh la, i sam a nung sarh mai ang. I sam a tla thin anih chuan iron, iodine leh vitamin B ei thin ang che. Sam mawm nei i nih chuan i sam tleuh faina tur tuiah khan sertui tlem far la, a tleuhfai nan hmang la, i sam mawm a ziaawm ang. Artui pakhat chawk phuan la, tui tlem i tleh hnuah i sam massge nan hmang la, minutekhat hnuah sufai la, conditioner tha tak a ni mai. Sam tih that nan khawizu tlem telh a tha bawk. Mangchhia neih ngun a tha lo : Naupan laia mangchhia, rapthlak pui pui neih fo hi rilru lama piansualna lan chhuah tanna a ni thei niin UK-a zirchiangtute chuan an sawi. He zirchiannaa an hmuh chhuah chu mangchhia hi chu naupanlai chuan hmuh loh ngawt thu chu a awm lova, mahse mangchhia mang ngun deuh naupang erawh chu enkawl uluk zual an ngai tih hi a ni a, rilru lama diklohna lan chhuahna chi khat a nih avangin ngaihven chik a ngai hle a ni. A bikin kum 12 hnuailamah a risk a sang zual. Zirchiannaah chuan mangchhia nei thin naupang 1,000 zela 47 hian rilru lama diklohna an nei duh niin an sawi a, zan hi a tihbaiawm hrim hrim avangin mangchhia lo neih zeuh hi chu awm thei a ni a, mahse mangchhia an neih fo erawh chuan thil tha lo zawk an rilru lamah a insiam mek tihna a ni, an ti bawk. Hetihlai hian mangchhia leh rilru lam inkaihhnawih dan tak hi hriat erawh a la harsa hle thung a, mahse an than chhoh zel hnuah rilru lama diklohna hi a lang chhuak chauh thin a ni. Hetiang hi a awm chhan nia lang chu naupangte hian thil tak tak leh a lem an thliar hran hleihtheih loh avangin thil tak tak ngaiha engkim an ngaih thin vang niin a lang bawk a, naupangte hian a theih chuan an mut dawna thin thawng chi film en lo se, computer khawih lo bawk se tih hi mithiamte thu rawn a ni a, TV leh computer-a kan thil hmuhte hi a tak tak emaw an tih tlat thin avangin kan nunphung pangngai nena ngaih pawlhna a awm tlat a. Chu chuan rilru lama harsatna a thlen theihna remchang a tam a, mumang lamah te thlengin a lang chhuak ta thin niin mithiamte chuan an ngai a ni. Engpawh nise, mangchhia nei fo thin naupangte rilru hruai ngil thei tura hmalak a tul hle niin mithiamte chuan an sawi a. An naupanlai nun tihchhiatsak chiah lohva thil tak leh a lem an thliar hran theihna tura kawng kawhhmuh an tul hle a ni. Thlawhna sei ber tlangzarh : Zirtawpni khan Britian chuan khawvela thlawhna sei ber a pho chhuak thar. He thlawhna, Arilander hi US sipaite siam a ni a, Britian hian an puitlin ta thung a, feet 300 a sei a ni. Environment tichhe lo thei ang ber tura siam he thlawhna hi helium hmangin kar thum chhung chu ton 60 a rit phurin boruak-ah a awm thei dawn a ni. England hian thlawhna lian siam kawngah hian vanduaina an tawk thei angreng hle a, kum 1930 khan thlawhna lian chi R101 an siam chu a chesual a, mi 48 an thih phah tawh a ni. An thlawhna pho chhuah thar hian tuna thlawhna sei ber Russia siam Antonov An-225 chu a kum ta a, he Boeing 747-48 hi metre 76-a sei a ni.

Nupui te zin an rawh haw chuan damloh nghal a ngai tlat... Pu Mamuana, Pre JNang khan kei hi vawi engzat nge ban dawn? Vawi sawmsarih pawh min ban mahla kei chuan ka ban ve dawn chuang lo che. - RK-a, T-Sec J Mawh i password chu sawi rawh... (an chhir thuai a) mawh sawi rawh... (an chhir leh thuai a) -Nl. Sangpuii, T. Sec Thawhtu : Awma JTu tan danga nung tawh lovin ama tan chauh... - Ricky, K-Sec J Khawzawlah chuan kal tawh lo mai teng. Mi nu dinhmun kan ti der thawng mai mai... Kuhva min dil leh sek ang nga... - T.Upa Liana, N-Sec J Naupang Exam laia len theih loh chuan Tuition pek tur hi zawng vat ila lunglen a hmen a ni mai. - VL Ramdina, JE Rama JChapchar Kut a hnai leh tawh bawka nikuma kan dinhmun vawng hmin turin tan lak a ngai tan tlat... a khawlai leng pawh nihliam in zawn char char teng... - Mama, CCN

Zanin Inkhel tur Capital One Cup Final Man. City (7:30) Sunderland Premier League Aston Villa (10:00) Norwich Swansea (10:00) C.Palace Spurs (10:00) Cardiff La Liga Villareal (4:30) Real Betis Sevilla (11:30) R.Sociedad A. Madrid (9:30) R. Madrid Barca (1:30) Alemria Rayo (1:30) Valencia

Published, Edited and Printed by Chanchinmawia for and on behalf of Vengthlang Branch YMA