Hi,

Ganesh vandana se start kerte hai jisme aap teen

betiya ya bahuo se dance kerva sakte hai.

1. Anchor=Aaee sangeet ki ye raat

laai sapno ki baarath
sajaniya hai saajan ke saath
rahe sada haatho main aise haath
aai sangeet ki ye raat

Aaiye swagath kerte hai hamaare nanhe kalakaroo se

Jo school main kerte hai intejaar ki kub bajegi chuti ki
belll
taaliya bajaker swagat kijiye kyunki aapke saamne
leker aaye hai ye
All is well.

Ab yahaa aap bachoo ka 3 4 gaano ka remix dance

dikha sakte hai.

2.
Khushiyo ki raat hogi ' jasna jara datt ke hoga
Meri bahan ki shaadi ,andaaz jara hatt ke hoga|

Phir hone wale dulhe se

AAiye aapko hum hamaari puri family se milate hai

waise tho aap sabhi se mil chuke hai lekin ek modern
introduction tho bantha hai.
Yahaan per koi bhi dance ya remix add ker sakte hai.

3.
Tho introduction shuru kerte hai dulheji aapke dada
sasur aur sasuji se

Maa papa hai ye mere

aur dada hai ye tere
sanghvi hai ye India ke....nahi nahi sanghvi hai ye
mann ke
chahe kitni bhi taklif ho sharir main
per bhagvan se milne jaayenge tann ke

Iske baad aap jo dance aanee wala hai uske baare

main keh sakte hai jaise

Ye betiya tho mahendi racha ke nakhre dikha ke

udd jaayegi phur se hame tadpa ke

Yahaan pe ladies ya ladkiyo ka dance kerva sakte hai

4.
Tho aaiye dulhe ji aapko ab aapke saas sasur se
milate hai

Bhai ne apni jindagi ki shuruaath "S"se ki

S" se Suraj
S" se subah
S" se saaj
S" se sangeet
S" se swagat
S" se sukhi
Aur kismat ki baath dekhiye ki bhai ki " S" se yaani
sushila [bhabi] se S se Sagai aur S se shaadi ho gai.
Phir kya tha ...
S" se saas
S" se sasur
S" se saala
S" se saali
S" se sasuraal
S" se sankat ho gaya yaar

S" se shaadi hui aur ghar S" se swarg ban gaya

Aur main S" se "swargwasi'.

Yahaan pe aap dostho ka dance kerva sakte hai ye

kehker ki

DEKHIYE DOSTHO KA DHAMAAL

BAJAOOGE THALI THO DIKHEGA KAMAAL

5.

Ab miliye aapke kaka aur kaki sasur se

Subah dukaan jaana , shaam ko ghar aana|

Paisa kamana aur Khakra khana

Khakra khane main jinko aata hai aanand

jeevan main muskerate rahna jinko hai pasand
aise hai hamare Ramesh bhai jinko dekhker
Man main muskera rahi hai hamaari bhabi mand
mand....

Yahaa bhi koi dance kerva sakte hai

6.

Ab aapko milate hai aapke chote kaka kaki sasur se

Bhai bhabi dono bahuth hee hai shoukin

Inko chahiye apni life namkin
Kuch kaaranvash aaj hai ye thode gumgeen
Nahi tho ker dete is mahfil ko aur bhi rangeen

Karj dosti ka ada keraga koun

Dosth na ho tho dosthi karega koun
E khuda in dostho ko salamath rakhna
Warna dostho ki shaadi main dance karega koun|

Ye kehker again ek dostho ka dance kerva sakte hai.

7.

Ab dijiye Sali ka introduction

Waise tho aapki bahuth saari saaliya hai lekin main

tho ek hi hai, jise dekhker aap bahuth khush ho rahe
hai aur soch rahe hai ki saali tho aadhi gharwali hoti
hai ,
lekin jayada khush math hoiye dulhejo kyuki hamari
dulhan soch rahi hai
DEVAR THO AADHA WARR HOTHA HAI

Saaliji bahuth khush hoker naach rahi hai kyuki "DI"

ke chale jaane se line ho jaayegi "Clear"
Aur chala jaayega "Fear
Kabja ho jaayega ab mera
Tere kamre pe tere kapdo pe
Raj karoogi pure ghar pe aur
Rok lag jaayegi hamaare jaghdo pe'

Ye bhi kah sakte hai

Sali is Beauty
Wife is Duty
Sali is Passion
Wife is Tension
Sali is cool
Wife is fool
Sali is Tuty fruity
Wife is Kismat futi
Sali is freshcake
Wife is Earth quake.

Is beech main ek aur dance kerva sakte hai.

8.

Ab saale ka parichay

Jaise ki aap sub jaante hai ki

Waise tho saari khudai ek taraf
aur joru ka bhai ek taraf

Cricket khelna mujhe hai pasand

per papa kehte hai ki PADH PADH PADH
T.V dekhna mujhe hai pasand
Per Mummy kahti hai ki CUT CUT CUT
Fighting kerna mughe hai pasand
Per didi kahthi hai aa mujse LAD LAD LAD
H ER EXAM KE BAAD ye khud kahtha ha
Exam abhi khatam nahi huee hai mere dosth
RE TEST abhi baaki hai

Phi ek Dance......

9.

Ab aap public se dulhe aur dulhan ka intro kerva

sakte hai

Dulhan ko bachpan se cartoon dekhne ka bahuth

shauk hai shayad isiliye inke mummy papa jab ladka
dekhne gaye tho khub jaanch parakhker chun ke
pasand kiye jisse ab dulhan jindagi bhar cartoon ko
miss na ker sake..
Aur jab dulhe ke maa papa ne ladki chuni tho unhe
yaad aaya ki hamare bete ko bachpan se bhuth preth
ke serial pasand aate hai tho ab aap hi sochiye
unhone kya dekher ladki ko chuna....
Wasi hamare ghar ki beti hai NO .1
School main bhi jo lathi thi NO.1
Sundertha main bhi jo lagthi hai NO.1
Kaam kaaj aur sanskaar main bhi jo NO.1
Khushkismath hai aap jo aapko mili hai
Hamaare ghar ki beti NO.1

Yahaa ek aur dance dikha sakte hai..

10.

Emotional commentry on beti

Betiya sagai hone ke baad apne papa se puchthi hai

-- papa kyu aapne apne beto ko apna naam diya kyu
apni beti ko kyu nahi.....
Bhai se puchthi hai--
Bhai bachpan se hum saath main khele saath main
padhe , saath main khaye piye , masthi, dhamaal kiya
phir kyu mujhe is ghar se durr bhej rahe ho
Maa se puchthi hai--
Maa tune thoo mujhe janam diya , teri laadli hoo main
maa , tere kaleje ka tukda hoo main maa phir aap
muje apne ghar se paraye ghar bhej rahi hai
Tub maa papa aur bhai kehte hai--
Beti ye tum kaisi baath ker rahi ho , Bachpan se teri
shaadi ke sapne sanjoye the Ab tho wo sapne pure
kerne ke din aaye hai , hame jeevan ka sabse bada
daan kerna hai jo hai KANYADAAN .
Aur beta ye tho duniya ki reet hai ki beti ko apne ghar
bhejna hee padtha hai beti tho parai amanath hothi
hai, Ek na ek din tho usee jaana hee padtha hai,
Aur tumhe tho ek nahi do do gharo ki maan maryada
ko sambhalna hai
Ek nahoi do do maa papa ki Kul ki Ijjath ko bhadana
hai
HUm bhi ro ro ker tumhe khush hoker aashirwaad ke
saath vida kerna hai.............

Is tarah ye sangeet sandhya ke END kiya jaatha hai

Is emotional commentry ke baad mahoul relax kerne
ke liye Ek game rakh dijiye

11.

Game--

"Mr and Mrs Ilahabaad waale'" jub "Pratigya " ka

"Pavitra Ristha" leker "Gulaal" chantthe hue
"Laaptaganj" pahunche tho unki "Bahanee" boli "Baba
aiso var dhundo" ki "Tarak mehta bhi apne chasma
ulta kerke dekhe" "Tere liye" "Sathiya" yahaan "Main
ghar ghar kheli" "Dance India dance" main gai
"Comedy circus" main bhi gai, aur tum..."Sajan re
jhoot math bolo "Tere mere sapne ek hoge tabhi tho
"Hamari devraani " aayegi warna "Krishna ben
khakkra wala" khakra banate banate "Master chef
India" main pahuch gaithi "C.I.D" bhi kuch nahi ker
paayega aur meri "Bidaai" rah jaayegi please ek baar
keh do ki "Bath hamari pakki hai" warna mera
"Sasural gada phool" ki tarah "Papad pol' ki tarah
"Jhalak dhikla ja" kehta rahega, aur Log
kahenge-----------hmmm-----"YE kya ristha kehlata
hai"...

Isme aap puchiye ki ye kya story hai

Ye serial ki story hai
Aur isme kitne serial ke naam hai...

12.

Thaliyo ke liye

Wo hoth kya jisme laali nahi

Wo upwan kya jisme maali nahi
Wo sasuraal kya jisme saali nahi
Aur wo mahfil kya jisme taali nahi

Lab surkh sharbathi ho jaaye

Gaalo per cha jaaye laaliya
aur is dance per ho jaaye jordaar Taliya

Bahaaro ki mahfil suhani rahegi

lab pe khusi ki kahani rahegi
chamakte rahege khushiyo ke ye sitare
agar aapki taaliyo ki meharbaani rahegi.

Aapko meri sangeet sandhya ki tauyaari kaisi lagi

Please write comments .

Jai jinendra.
Bye.